პოლონეთის ეროვნული ნაკრებისა და მიუნხენის “ბაიერნის” თავდამსხმელი რობერტ ლევანდოვსკი მადრიდის “რეალში” არ გადავა, თუ სეზონის დასრულების შემდეგ მის მთავარ მწვრთნელად რაფაელ ბენიტესი დარჩება.
ამის შესახებ ცნობილი ესპანური ჟურნალი Don Balon-ი წერს. გამოცემის მტკიცებით, 27 წლის პოლონელს კარიერის “სამეფო კლუბში” გაგრძელება სურს და მოლაპარაკებებისთვის მზადაა, მაგრამ ესპანელი სპეციალისტის ტაქტიკური ხედვა არ მოსწონს. ლევანდოვსკის უნდა, რომ მოედანზე მოქმედების თავისუფლება ჰქონდეს, ბენიტესის ხელმძღვანელობით კი, მას ამისი შანსი ვერ ექნება.
პოლონელმა ფორვარდმა გერმანიის ბუნდესლიგის მიმდინარე სეზონში ჩატარებულ 11 მატჩში 14 გოლი გაიტანა.
