როგორც იტალიური გამოცემა Calcio Mercato იუწყება, მილანის “ინტერის” შემტევმა მაურო იკარდიმ შესაძლოა კარიერა “ლივერპულში” გააგრძელოს. არგენტინელი ფეხბურთელის გადაბირებით იურგენ კლოპია დაინტერესებული.

სამხრეთამერიკელი ფეხბურთელის სატრანსფერო ღირებულება 32 მილიონ ევროს შეადგენს. ჯერჯერობით უცნობია რამდენი მილიონის გაღებას აპირებენ “მერსისაიდელები” სამხრეთამერიკელის სანაცვლოდ.

მიმდინარე სეზონში იკარდიმ 10 მატჩი ჩაატარა, გაიტანა სამი გოლი და 1 საგოლე გადაცემა შეასრულა.