პორტუგალიის ეროვნული ნაკრების და “მონაკოს” ნახევარმცველმა ჟოაო მოუტინიომ შესაძლოა კარიერა “მილანში” გააგრძელოს. voetbal nieuws-ის ინფორმაციით, “როსონერის” ხელმძღვანელობას “ზენიტიდან” აქსელ ვიტსელის ტრანსფერი არ გამოსდის და სავარაუდოდ “მონაკოს” მოთამაშის ყიდვას შეეცდებიან.

მიმდინარე წლის ზაფხულში იტალიელებმა ბელგიელ ფეხბურთელში 25 მილიონი ევროს გადახდა იუარეს, რუსებმა კი ვიტსელს ფასი არ დაუწიეს. თავად აქსელს კი “როსონერის” რიგებში თამაშის სურვილი აქვს.

მოუტინიო სატრანსფერო ღირებულება 20 მილიონ ევროს შეადგენს და შესაძლოა “მილანს” “მონაკოსთან” მოლაპარაკება უფრო გაუადვილდეს. მიმდინარე სეზონში პორტუგალიელმა 16 მატჩში 4 საგოლე გადაცემა შეასრულა.