ბელგიის ჩემპიონ “გენტის” მთავარ გუნდში ქართველი მცველის ჯიმი ტაბიძის დებიუტი შედგა. 19 წლის ქართველ უკანახაზელს ჰეინ ვანჰაეზბრუკი “დეინცესთან” (0:1) ამხანაგურ მატჩში ენდო და იგი მოედანზე 46-ე წუთზე შეუშვა.
მოგეხსენებათ, ტაბიძე “გენტს” გასულ ზაფხულს თბილისის “საბურთალოდან” შეუერთდა, თუმცა აქამდე ძირითად გუნდში არ უთამაშია. სამაგიეროდ, ახალგაზრდული გუნდის ძირითად შემადგენლობაში იმედისმომცემი ქართველი სისტემატურად ხვდება.
