ქართველი ეკატერინე გორგოძის და უკრაინელი ანასტასია ვასილიევას წყვილმა, რომელსაც ბელარუსის დედაქალაქ მინსკში მიმდინარე საერთაშორისო ტურნირზე (საპრიზო ფონდი 25 ათასი დოლარი) პირველი განთესვა გააჩნია, ნახევარფინალში გააღწია.

ქართველმა და უკრაინელმა ჩოგბურთელებმა რუსები – ვარვარა კუზნეცოვა და ოლგა პუჩკოვა 6:0, 6:7 (4:7), 10:7 დაამარცხეს, ფინალში გასასვლელად კი რუსთა კიდევ ერთ დუეტს (ფროლოვა-იაშინა) გაეჯიბრებიან.

ცნობისთვის, ამ უკანასკნელთ მეოთხედფინალში სოფო ქვაცაბაიას და უკრაინელ ვალერია სტრახოვას 6:4, 6:1 მოუგეს.