ჰოლანდიის ეროვნული ნაკრების და "შალკეს" თავდამსხმელი კლას იან ჰუნტელაარი ბუნდესლიგაში გატანილი გოლების მიხედვით გელზენკირხენული კლუბის ბომბარდირთა სიაში მესამე ადგილზე გადავიდა. "ხუმარების" ფეხბურთელმა "დორტმუნდთან" წაგებულ (2:3) შეხვედრაში დუბლი შეასრულა და გერმანიის ჩემპიონატში 72 გატანილი გოლი დაუგროვდა.
ბუნდესლიგის მე-12 ტურის მატჩამდე "შალკეს" ბომბარდირთა სიაში მესამე პოზიციაზე კევინ კურანი (71) გახლდათ. ჰუნტელაარი მეორეადგილოსან ებე სანდს ერთი გოლით ჩამორჩება. ბუნდესლიგაში "შალკეს" ბომბარდირთა სიას კლაუს ფიშერი (182) ლიდერობს.
