საქართველოს ჩემპიონატის მე-8 ტურის მეორე სათამაშო დღეს, ცხრილის ქვედა ზონაში მყოფმა გუნდებმა დიდი წინააღმდეგობა გაუწიეს ლიდერებს და დაძაბული ბრძოლები ერთქულიანი სხვაობებით დასრულდა.
“ავჭალაზე” დედაქალაქურ დერბიში “აკადემია” “ლოკომოტივს” შეხვდა. “დიდ 10”-ში წელს აღზევებულმა აკადემიელებმა პირველ ტაიმში არეკნი და ჯარიმა გაიტანეს, თავი ივანე დავითაშვილმა და სოსო მათიაშვილმა გამოიჩინეს, მაგრამ ტექნიკური ლელოთი რომ დაისაჯნენ, ბექა წიკლაურს გარდასახვის შესრულებაც არ გაუჭირდა და ტაიმი 7:6 დასრულდა. მეორე ტაიმი კიდევ უფრო მოსაწყენი გამოდგა და მხოლოდ ორი ჯარიმა გავიდა. მათიაშვილმა “აკადემია” წინ გაიყვანა, მაგრამ მის დარტყმას ზუსტი ჯარიმით დიმიტრი კალანდაძემ უპასუხა და “ლოკომოტივმა” 10:9 იმარჯვა.
“შევარდენზე” ერთპიროვნული ლიდერი გორის “ჯიქი” რუსთავის “ხარებთან” უპირობო ფავორიტად კი ითვლებოდა, მაგრამ სტატუსი ვერ გაამართლა. ორი კვირის წინ, გორელები ქუთაისში “აიასთან” დამარცხდნენ, როგორც ჩანს, შესვენებამ მათ ვერ უშველა და ახლა ზედიზედ მეორე მატჩიც დათმეს. პირველი ტაიმი რაგბისთვის უჩვეულო ანგარიშით 0:0 დასრულდა. მეორე ტაიმში “ჯიქი” ლელოთი დაწინაურდა, მაგრამ გარდასახვა არაზუსტი იყო, რაც მოგვიანებით გადამწყვეტი აღმოჩნდა. “ხარებმა” უჩა მჭედლიშვილის ორი ჯარიმით დაწინაურება მოახერხა და საბოლოოდ 6:5 იმარჯვა. რუსთაველებისთვის ეს ზედიზედ მეორე გამარჯვებაა.
საქართველოს XXVI ეროვნული ჩემპიონატი. VIII ტური
8 ნოემბერი
თბილისი. “ავჭალა”
აკადემია (თბილისი) - ლოკომოტივი (თბილისი) 9:10
თბილისი. “შევარდენი”
ჯიქი (გორი) - ხარები (რუსთავი) 5:6
| 8/11 | კლუბი ქალაქი | თ | მ | ფ | წ | +პ | +ნ | -დ | გატ:გაშ | სხვ | ლ | ქ |
| 1 | ჯიქი გორი | 8 | 6 | 0 | 2 | 2 | 2 | 0 | 146:082 | +64 | 18/05 | 28 |
| 2 | ბათუმი ბათუმი | 8 | 6 | 0 | 2 | 1 | 2 | 0 | 147:111 | +36 | 12/04 | 27 |
| 3 | აია ქუთაისი | 8 | 5 | 1 | 2 | 1 | 1 | 0 | 143:118 | +25 | 09/07 | 24 |
| 4 | ლელო სარასენს თბილისი | 8 | 5 | 1 | 2 | 0 | 1 | 0 | 145:123 | +22 | 13/10 | 23 |
| 5 | ლოკომოტივი თბილისი | 8 | 5 | 0 | 3 | 0 | 3 | 0 | 147:131 | +16 | 12/08 | 23 |
| 6 | ყოჩები ბოლნისი | 7 | 4 | 0 | 3 | 1 | 2 | 0 | 123:103 | +20 | 10/08 | 19 |
| 7 | აკადემია თბილისი | 8 | 3 | 0 | 5 | 0 | 3 | 0 | 084:116 | -32 | 03/09 | 15 |
| 8 | ხარები რუსთავი ^ | 8 | 2 | 0 | 6 | 0 | 2 | 0 | 087:147 | -60 | 06/17 | 10 |
| 9 | არმია თბილისი | 8 | 1 | 1 | 6 | 0 | 4 | 0 | 144:191 | -47 | 09/19 | 10 |
| 10 | არმაზი თბილისი | 7 | 0 | 1 | 6 | 0 | 4 | 0 | 107:151 | -44 | 09/14 | 6 |
IX ტური. 14-15 ნოემბერი
აია - აკადემია, ლოკომოტივი - ლელო-სარასენსი, ყოჩები - არმია, ბათუმი - ჯიქი, ხარები - არმაზი
