ფეხბურთი

1:24 | 8.11.2015 | ნანახია 2463 - ჯერ

კანკავა დაბრუნდა, არაბიძეს ამჯერად შანსი არ მისცეს

ოთხ ტურიანი იძულებითი უქმობის მერე საფრანგეთის ლიგა 1-ში ძირითად შემადგენლობას დაუბრუნდა ჯაბა კანკავა, რომელმაც ტრავმა მოიშუშა. საქართველოს ნაკრების კაპიტანი “აიაჩოსთან” (1:2) მატჩში მოედანზე 90 წუთი იყო. “რეიმსი” კი კრიზისიდან გამოსვლას ვერ ახერხებს. დღევანდელი თამაში ზედიზედ მეხუთეა, რომელიც ამ გუნდმა წააგო და სატურნირო ცხრილში დაღმასვლას განაგრძობს. მე-13 ტურისთვის 15 ქულა აქვს და მეცამეტე საფეხურზეა.

გიორგი არაბიძე ამჯერად დონეცკის “შახტარის” სამატჩო განაცხადში ვერ მოხვდა. მის გარეშე კი დონბასელებმა სტუმრად “ოლექსანდრიას” 3:2 მოუგეს. მასპინძელთა შორის დავით თარგამაძე, რომელიც “შახტარის” საკუთრებაშია და კონტრაქტის თანახმად მათ წინააღმდეგ თამაში არ შეუძლია. “მეშახტეები” 34 ქულით ლიდერობენ, ხოლო “ოლექსანდრიას” 13 ქულით მეცხრეა.

ლვოვის “კარპატი” შინ ხარკოვის “მეტალისტს” დაუზავდა (1:1). ლვოველთა შორის თავიდან ბოლომდე ითამაშა ბუბა დაუშვილმა. “კარპატი” კი 17 ქულით მეშვიდე ადგილზეა.

პორტუგალიის სეგუნდა ლიგაში ავთო ებრალიძის “ჟილ ვისენტე” საკუთარ მოედანზე “ვარზიმს” დაუზავდა (1:1). ქართველი ფეხბურთელი 90 წუთი გაისარჯა. მის გუნდს კი, 15 ტურში 19 ქულა აქვს და მე-14 პოზოციას იკავებს.


კომენტარები (5)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

13:30 | 08.11.2015
jimibarca (206)

ხოო ამ ტურში გუშუნ თითქმის ყველამ ითამაშა გოლიც გაიტანა ცხადაძემ, იმედია დღესეც ითამაშებენ დანარჩენები, ესტონეთი და ალბანეთი უნდა დავამარცხოთ აუცილებლად

08:30 | 08.11.2015
araza-1918 (6330)

3-4-3 რევიშვილი--კვერკველია ამისულა კაშია--ლობჟანიძე კანკავა კობახიძე ნავალოვსკი--ყაზაიშვილი ვაწაძე ოქრიაშვილი მეორე ტაიმი გრიგალავა ჭანტურია გელაშვილი ბოლო 20 წუთი კაკაბაძე ცინცაძე ჰუფნაგელი ესენი აეროპორტში და 17-ში გორში შვედებთან დანარჩენები ტირანაში

05:50 | 08.11.2015
araza-1918 (6330)

ცხადაძე ჯიქია გასინჯე

02:04 | 08.11.2015
pes2011 (143)

ბუბამ ნარმალნა ითამაშა! როგორც იქნა ძირითადში დააყენეს

01:44 | 08.11.2015
ჯ ა ნ ო (44)

წარმატებები კანკავას

0.127744