საქართველოს ნაკრებისა და იტალიური “ემპოლის” ფორვარდი ლევან მჭედლიძე ისევ ტრავმირებულია. როგორც ინტერნეტპორტალი tuttojuve.com-ი იტყობინება, 25 წლის თავდამსხმელის თამაში ტურინის “იუვენტუსთან” შეხვედრაში გამორიცხულია.
მჭედლიძის დაბრუნება ჯერ კიდევ ორი კვირის წინ ანონსდებოდა, მაგრამ ჯერჯერობით ლევანი ბოლომდე გამოჯანმრთელებას ვერაფრით ახერხებს.
მჭედლიძე 7 სექტემბრიდან მოყოლებული მკურნალობს, როცა ირლანდიისა და საქართველოს ნაკრებთა მატჩში დაშავდა. მიმდინარე სეზონში მას სერია A-ში მხოლოდ 2 შეხვედრა აქვს ჩატარებული.
