ზაზა ფაჩულიას “დალას მავერიკსი” შინ “შარლოტ ჰორნეტსთან” 94:108 დამარცხდა. საქართველოს ეროვნული ნაკრების კაპიტანი ზაზა ფაჩულია წარმატებულ თამაშს განაგრძობს, ზაზამ სასტარტო 5 შეხვედრაში მესამე ორმაგი დუბლი შეასრულა. ფაჩულიამ გუნდს 14 ქულა, 10 მოხსნა, 2 პასი, 2 ჩაჭრა და 1 ბლოკ-შოტი შესძინა. ქართველი ცენტრი ტეხასელთა რიგებში საუკეთესო გახლდათ. ზაზამ 6-დან 4 ორქულიანი, 6-დან 6 საჯარიმო სროლა გამოიყენა.

შეხვედრაში გადამწყვეტი მესამე პერიოდი აღმოჩნდა, რომელიც ჯორდანის გუნდმა 24:14 მოიგო. მატჩის საუკეთესო მოთამაშე ალ ჯეფერსონი 31 ქულით გახლდათ, ხოლო “დალასში”, როგორც გითხარით, ზაზა ფაჩულია იყო საუკეთესო.

“დალასი” მომდევნო შეხვედრას 8 ნოემბერს ტეხასში “ნიუ ორლეანის” წინააღმდეგ ჩაატარებს.