ჩემპიონთა ლიგის ოთხი ტურის შემდეგ ყველაზე შედეგიანი გუნდი, 13 გატანილი გოლით მიუხენის “ბაიერნია”. ყველაზე ცოტა, თითო გოლი “მალმიომ” და “მაკაბიმ” გაიტანეს. მადრიდის “რეალი” ერთადერთი გუნდია, რომელსაც მიმდინარე ტურნირში გოლი არ გაუშვია, ყველაზე მეტი 11 გოლი კი “ბატემ” და “მაკაბიმ” გაუშვეს.

“ბაიერნი” ლიდერობს დარტყმების რაოდენობითაც, პეპ გვარდიოლას შეგირდებმა მეტოქეთა კარისკენ 94-ჯერ გაისროლეს. ყველაზე იშვიათად ამას “ბატე” ახერხებს, ბელარუსთა აქტივში სულ 26 დარტყმაა.

განვლილ ოთხ ტურში ყველაზე მეტი გადაცემა “ბარსელონას” ფეხბურთელებმა გააკეთეს – 3004 პასი (89-პროცენტიანი სიზუსტით), ხოლო სიზუსტის მაჩვენებლით პსჟ და “ბაიერნი” ლიდერობენ – 91 %.

ყველაზე იშვიათად თამაშის წესებს “ბარსელონა” არღვევს, კატალონიელები მხოლოდ 31-ჯერ დაჯარიმდნენ, ყველაზე უხეში გუნდი კი კიევის “დინამოა” 74 ჯარიმით.