დიდი ალბათობით, კახა მახარაძე მესამედ გახდება უზბეკეთის ჩემპიონი. ბოლოსწინა ტურში მახარაძის “ფახთაქორმა” სტუმრად 1:0 სძლია მესამეადგილოსან “ნასაფს” და ლიდერობა შეინარჩუნა: ერთი ტური დარჩა და “ფახთაქორი” ერთი ქულით უსწრებს “ლოკომოტივს”.
ამ ბოლო ტურში კი მახარაძის გუნდი შინ ითამაშებს “ანდიჟანთან”, რომელიც ცხრილის ქვედა ნაწილშია, მაგრამ უმოტივაციოა – ლიგიდან არ ვარდება.
მახარაძეს რაც შეეხება, უკვე წლებია, რაც “ფახთაქორის” ლიდერია და ამ სეზონსაც კარგად ატარებს. მას 6 გოლი აქვს სეზონში.