კოსტა რიკის ეროვნული ნაკრებისა და მადრიდის “რეალის” მეკარე კეილორ ნავასმა, ჩემპიონთა ლიგაში ჩატარებული “მშრალი” მატჩების ახალი ორიენტირი განსაზღვრა.
28 წლის კოსტარიკელი გახდა პირველი მეკარე, რომელმაც ევროპის ყველაზე პრესტიჟული ტურნირის ისტორიაში ჩატარებულ პირველ ექვს მატჩში გოლი არ გაუშვა. ჩემპიონთა ლიგის გასულ გათამაშებაში ნავასის კარი შვეიცარიულმა “ბაზელმა” და ბულგარულმა “ლუდოგორეცმა” ვერ აიღეს, ხოლო მიმდინარე სეზონის ჯგუფური ეტაპის პირველ ოთხ ტურში, მას გოლი დონეცკის “შახტარმა”, შვედურმა “მალმიომ” და ფრანგულმა პსჟ-მ (ორ თამაშში) ვერ გაუტანა.
გარდა ამისა, მან “სანტიაგო ბერნაბეუზე” ჩატარებული “მშრალი” მატჩების სერია 9-მდე გაზარდა. შინაურ არენაზე კეილორ ნავასმა ბოლოს გოლი 15 იანვარს, მადრიდის “ატლეტიკოსგან” ესპანეთის თასის შეხვედრაში გაუშვა.
