მადრიდის “რეალის” თავდამსხმელმა კრიშტიანუ რონალდუმ პრიმერადივიზიონის ყველა დროის საუკეთესო ბომბარდირთა სიაში უგო სანჩესის მიღწევა გაიმეორა და მესამე ადგილზე გადავიდა.

პორტუგალიის ეროვნული ნაკრების ფეხბურთელმა “ლას პალმასთან” მოგებულ (3:1) მატჩში თავი ერთხელ გამოიჩინა და ლა ლიგაში 234 გოლი დაუგროვდა. რონალდუ ტელმო ზარას (278) და ლიონელ მესის (321) ჩამორჩება.

კრიშტიანუსთვის მიმდინარე სეზონი “რეალის” რიგებში მეშვიდე გახლავთ. ყველა დროის საუკეთესო ბომბარდირთა დავაში საშუალოდ ერთ მატჩში გატანილი გოლის მონაცემებით რონალდუ საუკეთესოა, მისი კოეფიციენტია 1.1. პორტუგალიელი ამ მაჩვენებლით ზარას (0.9) და მესის (0.9) უსწრებს.