კატალონიური “ბარსელონას” ბრაზილიელმა მცველმა დუგლასმა ესპანეთის თასზე “ვილიანოვენსესთან” გამართულ მატჩში ფეხის ტრავმა მიიღო და გუნდს რვა კვირით დააკლდება.

უგოლო შეხვედრაში 25 წლის ფეხბურთელმა მარჯვენა ფეხზე ტერფის ძვალი გაიტეხა, რაც სრულფასოვანმა გამოკვლევამ აჩვენა. აღსანიშნავია, რომ სათასო მატჩში დუგლასმა მთელი 90 წუთი ითამაშა.

ბრაზილიელს 2015 წელს უკვე მოუწია 8 კვირით დასვენება. მაშინ მან ბარძაყი დაიზიანა. მიმდინარე სეზონში დუგლასმა პრიმერა დივიზიონის მხოლოდ ერთ მატჩში მიიღო მონაწილეობა და შეცვლაზე სულ რაღაც 12 წუთით შევიდა. “ბარსელონას” ლაზარეთში მის გარდა მესი, ინიესტა და რაფინია არიან.