ესპანეთის ეროვნული ნაკრებისა და მადრიდის “რეალის” ყოფილი თავდამსხმელი რაული, კარიერის დასრულებისთანავე მწვრთნელობას არ აპირებს.
ფორვარდის თქმით, მისი სურვილია, რომ რაც შეიძლება დიდი დრო გაატაროს ოჯახთან და მხოლოდ ამის შემდეგ დაფიქრდება სამწვრთნელო მოღვაწეობაზე, ან სხვა საინტერესო პროექტებზე.
“საკუთარი თავი მწვრთნელის რანგში ვერ წარმომიდგენია. ეს ის არაა, რის გაკეთებასაც უახლოეს წლებში ვგეგმავ. რა თქმა უნდა მინდა, რომ რომელიმე წარმატებული გუნდის მწვრთნელი გავხდე, მაგრამ ამისათვის ჯერ მზად არ ვარ. ჯერჯერობით დროის ოჯახთან ერთად გატარება მინდა და მხოლოდ ამის შემდეგ დავკავდები რაიმე საინტერესო პროექტით” - განუცხადა რაულმა Reuters-ს.
