საქართველოს უმაღლესი ლიგის მეცხრე ტურის მატჩში “საპოვნელამ” “მერანი” ანგარიშით 2:1 დაამარცხა. ქუთაისში “რამაზ შენგელიაზე” გამართული შეხვედრის 43-ე წუთზე თერჯოლელები გიორგი ტყეშელაშვილმა დააწინაურა. შესვენების შემდეგ 7 წუთში გიორგი ბუხაიძემ ანგარიში ორამდე გაზარდა. მარტვილელთაგან კი ერთადერთი გოლი ლაშა ჯღამაიამ 79-ე წუთზე მიითვალა.

ამ გამარჯვებით “საპოვნელას” ცხრა მატჩში რვა ქულა დაუგროვდა და მე-13 ადგილზე იმყოფება. “მერანმა” კი მერვე თამაში წააგო და სამი ქულით ბოლოდან მეორე ადგილზე გახლავთ.