როგორც სინოპტიკოსებმა იწინასწარმეტყველეს, აშშ-ის დიდი პრიზის პირველი დღე წვიმიანი გამოდგა. უფრო მეტიც, ჭექა-ქუხილის და მეხის გამო, მეორე თავისუფალი პრაქტიკა გაუქმდა. პირველზე კი, რომელიც სველ ტრასაზე ჩატარდა, საუკეთესი ნიკო როსბერგი იყო, რომელმაც წამზე მეტით აჯობა უახლოეს მდევრებს. ლუის ჰამილტონმა კი, რომელსაც მესამე ტიტულის ოსტინშივე მოპოვების რეალური შანსი აქვს, მხოლოდ ოთხი წრე გაიარა და მეხუთე დროს დასჯერდა.
უნდა ითქვას, რომ უამინდობა ამით არ დასრულებულა. კვალიფიკაციაზე კოკისპირულია მოსალოდნელი. სხვათა შრის, ამერიკაში ახლა მძლავრ ქარიშხალ პატრიციას ელიან და სავარაუდოდ, ტექსასური უამინდობაც ამის პრელუდიაა. უფრო მეტიც, ამერიკამდე პატრიცია მექსიკას გადაუქროლებს, სადაც ერთ კვირაში მომდევნო ეტაპია გასამართი. პატრიციაზე კი ამბობენ, რომ არნახულად ძლიერი იქნება.
მოკლედ, ოსტინში და მექსიკო სიტიში ჯერჯერობით ყველაზე აქტუალური თემა ამინდი და პატრიციაა...
აშშ-ის დიდი პრიზი
პირველი თავისუფალი პრაქტიკა
- ნიკო როსბერგი (გერმანია, მერსედესი) 1:53.989
- დანილ კვიატი (რუსეთი, რედ ბული) 1:55.224
- დანიელ რიკარდო (ავსტრალია, რედ ბული) 1:55.592
- კარლოს საინსი (ესპანეთი, ტორო როსო) 1:55.667
- ლუის ჰამილტონი (ბრიტანეთი, მერსედესი) 1:55.693
- სებასტიან ფეტელი (გერმანია, ფერარი) 1:55.710
- მაქს ფერსტაპენი (ჰოლანდია, ტორო როსო) 1:55.969
- კიმი რაიკონენი (ფინეთი, ფერარი) 1:56.326
- ფერნანდო ალონსო (ესპანეთი, მაკლარენი) 1:56.839
- ვალტერი ბოტასი (ფინეთი, უილიამსი) 1:56.866
- ფელიპე მასა (ბრაზილია, უილიამსი) 1:57.081
- სერხიო პერესი (მექსიკა, ფორს ინდია) 1:57.139
- ჯენსონ ბატონი (ბრიტანეთი, მაკლარენი) 1:57.495
- ნიკო ჰულკენბერგი (გერმანია, ფორს ინდია) 1:57.518
- რომენ გროჟანი (საფრანგეთი, ლოტუსი) 1:58.319
- რაფაელე მარსიელო (იტალია, ზაუბერი) 1:59.431
- მარკუს ერიქსონი (შვედეთი, ზაუბერი) 1:59.743
- ალექსანდერ როსი (აშშ, მენორი) 2:01.154
- უილ სტივენსი (ბრიტანეთი, მენორი) 2:01.907
- პასტორ მალდონადო (ვენესუელა, ლოტუსი) დროის გარეშე
მეორე თავისუფალი პრაქტიკა
არ ჩატარდა
