იტალიური “ემპოლისა” და საქართველოს ეროვნული ნაკრების თავდამსხმელი ლევან მჭედლიძე კვირას, “ჯენოასთან” თამაშს შეძლებს. ამის შესახებ იტალიური ინტერნეტპორტალი tuttomercatoweb.com-ი იუწყება. 25 წლის ფეხბურთელს ვარჯიში უკვე დაწყებული აქვს, თუმცა ჯერ ინდივიდუალურად ემზადება და როგორც ტოსკანური გუნდის სამედიცინო შტაბი ირწმუნება, გენუელებთან თამაშამდე ქართველი სრულად გამოჯანმრთელებას მოასწრებს.

შეგახსენებთ, მჭედლიძე ლაზარეთში 7 სექტემბრის შემდეგაა, როცა ირლანდიასთან თამაშისას დაშავდა. მიმდინარე სეზონში მან სერია A-ში მხოლოდ ორჯერ ითამაშა.