დღეს, საფრანგეთის დედაქალაქ პარიზში სტარტს აიღებს გრანდ-სლემის რანგის ტურნირი ძიუდოში, რომელიც ევროპაში ერთ-ერთ ყველაზე პრესტიჟულად მიიჩნევა.
პარიზში ძალებს მხოლოდ 2 ქართველი ძიუდოისტი მოსინჯავს. ვაჟთა შორის ვარლამ ლიპარტელიანს (90 კგ.) პირველი განთესვა გააჩნია და საწყის რაუნდში დაისვენებს, შემდეგ კი ძალებს ესტონელ ალეკსანდრ მარმელიუკთან მოსინჯავს.
გრანდ-სლემზე საქართველოს ქალთა ნაკრებს ესტერ სტამი წარადგენს. მისი პირველი მეტოქე რუსი ალიონა პროკოპენკო იქნება, ხოლო თუკი იმარჯვა, გერმანელ ლაურა ვარგას კოხთან ჭიდილი ელის.
