ინგლისის პრემიერლიგის სექტემბრის თვის საუკეთესო ფეხბურთელი ანტონი მარსიალი გახდა. 19 წლის ფორვარდმა გასულ თვეში 3 შეხვედრა ჩაატარა და ამდენივე გოლის გატანა შეძლო. ფრანგისთვის ეს პრემიერლიგაში გადაბარგების შემდეგ პირველი აღიარებაა.

მარსიალმა სადებიუტო პრემიერლიგური გოლი “ოლდ ტრაფორდზე” “ლივერპულს” გაუტანა, ხოლო შემდეგ “საუთჰემპტონთან” დუბლი გაიფორმა.

მწვრთნელებს შორის კი ლონდონის “ტოტენჰემის” არგენტინელი დამრიგებელი მაურისიო პოჩეტინიო გამოარჩიეს, ვისი ხელმძღვანელობითაც “დეზებმა” სექტემბერში მიყოლებით “სანდერლენდს”, “კრისტალ პალასსა” და “მანჩესტერ სიტის” აჯობეს.