ქართველმა ჩოგბურთელმა ეკატერინე გორგოძემ, რომელიც ყაზახეთის ქალაქ შიმკენტში მიმდინარე 10-ათასიან ტურნირზე მე-3 ნომრადაა განთესილი, ნახევარფინალში გასვლა მოახერხა.

გორგოძემ მე-7 რეიტინგის მქონე უზბეკ არინა ფოლტსს 6:4, 6:2 სძლია და ფინალის საგზურს რუს პოლინა ნოვიკოვას შეეცილება. ამ უკანასკნელმა სოფო ქვაცაბაია (მე-2 განთესვა) 3:6, 6:3, 6:3 დაამარცხა.

წყვილთა ტურნირში პირველ ნომრად განთესილმა გორგოძემ და ქვაცაბაიამ მე-4 რეიტინგის მქონე უზბეკურ-რუსულ დუეტს (ფოლტსი-ლოდიკოვა) 6:2, 6:2 მოუგეს და ფინალში ყაზახურ-რუსულ ტანდემს (კერიმბაიევა-ლაზარევა, მე-2) დაუპირისპირდებიან.