ზაზა ფაჩულიას “დალას მავერიკსი” წინასასეზონო გასვლით შეხვედრაში “ოკლაჰომასთან” 88:100 დამარცხდა. ფაჩულია სასტარტო ხუთეულში იმყოფებოდა და პარკეტზე 17 წუთი დაჰყო. ამ დროში ზაზამ გუნდს 13 ქულა, 5 მოხსნა და 2 ჩაჭრა შესძინა. ქართველმა ცენტრმა ორი პერსონალური ჯარიმა მიიღო და ბურთი ერთხელ დაკარგა. ფაჩულიას მოედანზე ყოფნისას ტეხასურმა კლუბმა “ოკლაჰომაზე” 6 ქულით მეტი ჩააგდო.

მატჩში ყველაზე მეტი 26 ქულა ტეხასელთა უკანახაზელმა ჯონ ჯენკინსმა ჩააგდო. “ოკლაჰომაში” 19 ქულით რასელ უესტბრუკი გამოირჩა.

“დალასის” შემადგენლობაში გუნდის ორ ლიდერს დერონ უილიამსს და დირკ ნოვიცკის კვლავ არ უთამაშიათ.

“დალასი” მორიგ შეხვედრას ტეხასში 17 ოქტომბერს “ატლანტა ჰოუქსის” წინააღმდეგ ჩაატარებს.