ქართველმა ჩოგბურთელმა სოფო ქვაცაბაიამ, რომელმაც გასულ კვირას ყაზახეთის ქალაქ შიმკენტში გამართული 10-ათასიანი შეჯიბრი მოიგო, კიდევ ერთ ანალოგიურ ტურნირზეც წარმატებული სტარტი აიღო.

მე-2 ნომრად განთესილმა ქვაცაბაიამ უზბეკ სარვინოზ საიდუიაევას 6:3, 6:1 სძლია და მერვედფინალში გააღწია, სადაც კვალიფიკაციის ერთ-ერთ გამარჯვებულ – რუს ვალერია პოგრებნიაკს ეთამაშება.

შეგახსენებთ, რომ მე-2 წრეშია ეკატერინე გორგოძეც, რომლის მეტოქეც უზბეკი გუზალ იუსუპოვა იქნება.

წყვილთა ტურნირში გორგოძეს და ქვაცაბაიას პირველი განთესვა აქვთ და მეოთხედფინალში რუსულ-უზბეკურ დუეტთან (კლიმუშკინა-სტახანოვა) ჭიდილი ელით.