ყაზახეთის ქალაქ შიმკენტში დასრულებულ საერთაშორისო ტურნირზე (საპრიზო ფონდი 15 ათასი დოლარი) წყვილთა გათამაშება დასრულდა და სასიხარულოა, რომ გამარჯვება ქართველ ალექსანდრე მეტრეველს და რუს ივან გახოვს ერგოთ.

ქართულ-რუსული წყვილი მე-2 ნომრად გახლდათ განთესილი, გადამწყვეტ მატჩში კი მათ პირველი რეიტინგის მქონე რუსი კალოველონისი და ბულგარელი ლაზოვი დაამარცხეს – 7:6 (7:4), 6:3.

საინტერესოა, რომ ერთეულთა შეჯიბრის ფინალში სწორედ მეტრეველი და გახოვი არიან გასულნი. მათი დაპირისპირება 10 ოქტომბერს გახლავთ დაგეგმილი.