მიუნხენის “ბაიერნის” ნახევარმცველმა ფრანკ რიბერიმ ტრავმით გამოწვეული ხანგრძლივი პაუზის შემდეგ პირველად ივარჯიშა.
როგორც L'Equipe იტყობინება, 32 წლის ფეხბურთელმა გუნდის ფიზმომზადების მწვრთნელის მეთვალყურეობით ოცწუთიანი ინდივიდუალური ვარჯიში ჩაატარა. როდის შეუერთდება რიბერი თანაგუნდელებს ჯერჯერობით უცნობია.
ფრანგმა შემტევმა მძიმე ტრავმა “შახტართან” ჩემპიონთა ლიგის გასული გათამაშების მერვედფინალურ მატჩში მიიღო.
