2015 წლის მსოფლიო თასზე ბორჯღალოსნების უკანასკნელ მატჩამდე 2 დღე რჩება და ამ თამაშზე ქართული რაგბის ისტორიის ბედი გადაწყდება. თუ მიმდინარე ტურნირს ნაკრები გამარჯვებით დაასრულებს, 2019 წლის იაპონიის მსოფლიო თასზე ბორჯღალოსნები ავტომატურ კვალიფიკაციას მოიპოვებენ, რისი შესაძლებლობაც აქამდე ქართულ რაგბს არასდროს მისცემია.
მზადება მსოფლიო თასის უკანასკნელი მატჩისთვის
მას შემდეგ რაც ნაკრები შაბათს საღამოს ექსეტერთან მდებარე სოფელ ვუდბერის ერთ-ერთ სასტუმროში დაბინავდა, მატჩისთვის მზადება გუნდმა მხოლოდ გუშინ დაიწყო. კვირის ვარჯიში დატვირთული არ ყოფილა და ბორჯღალოსნებმა დღე აღდგენასა და დარბაზის მსუბუქ ვარჯიშს დაუთმეს.
დღეს კი გუნდმა ‘ვუდბერი პარკში’ სრულყოფილი მზადება დაიწყო და ვარჯიშის შემდეგ ექსეტერელ ბავშვებს პატარა მასტერკლასიც ჩაუტარა.
ბორჯღალოსნების შემადგენლობა ნამიბიის წინააღმდეგ
7 ოქტომბერს, ოთხშაბათს, საქართველოს დროით 23:00 საათზე ბორჯღალოსნები მსოფლიო თასის უკანასკნელ მატჩს ნამიბიას ‘სენდი პარკზე’ გაუმართავენ. 48 საათით ადრე სამწვრთნელო შტაბი სამატჩო შემადგენლობას აცხადებს.
სამწუხაროდ, ტრავმების გამო განაცხადში ვერ მოხვდნენ ლაშა ხმალაძე, გიორგი ფრუიძე და ლევან ჩილაჩავა - ბორჯღალოსანთა ბურჯმა ახალი ზელანდიის წინააღმდეგ გამართულ მატჩში წვივის კუნთი დაიზიანა და სამწუხაროდ მსოფლიო თასის უკანასკნელ მატჩს ტრიბუნიდან უყურებს. კარგი ამბავია ის, რომ მერაბ კვირიკაშვილი,რომელმაც მუხლის მყესის დაჭიმულობის გამო ერთი თამაში გამოტოვა, გუნდს დაუბრუნდა და თავს კარგად გრძნობს.
მერაბ კვირიკაშვილი
„სამ დღეზე ცოტა მეტი დავისვენე და ახლა თავს კარგად ვგრძნობ. ტრავმის შემდეგ დღეს პირველად ვივარჯიშე და არანაირი ტკივილი და დისკომფორტი არ მქონია. დარწმუნებული ვარ, რომ ნამიბიასთან სათამაშოდ 100%-ით მზად ვარ.“
მილტონ ჰეიგი მამუკა გორგოძის შესახებ:
„მამუკამ დღევანდელი ვარჯიში მუხლის ტკივილის გამო გამოტოვა. თუმცა უფრო მნიშვნელოვანი ის იყო, რომ გვინდოდა კაპიტანი ცოტა დაგვესვენებინა, რადგანაც ამ მსოფლიოზე ყველაზე დიდი ხანი მას მოუწია თამაში და თანაც, იცით, მისი შემტევი სტილი.
„ბევრს გაუკვირდა მისი შემადგენლობაში ყოფნა ახალი ზელანდიის წინააღმდეგ, ჩემი პასუხი კი ერთია - ის გუნდის კაპიტანია. ჩემი აზრით, კაპიტანმა ყველა მატჩი უნდა ითამაშოს, რა თქმა უნდა,თუ ეს შეუძლია. დარწმუნებული ვარ ის ამ მატჩსაც ღირსეულად წარუძღვება.“
საქართველოს ბორჯღალოსნები
მსოფლიო თასი * - ნამიბია * ოთხ 7/10 ექსეთერ, სენდი პარქ @ 23.00 საქ
| No | სახელი და გვარი | კლუბი | დაბ | ბრჯ | მონაგარი |
| უკანა ხაზი [ბექები] | |||||
| 15 | მერაბ კვირიკაშვილი | მონლიუსონ [სფრ ფ 1] | 1983 | 87 | 12ლ 111გ 123ჯ 3ა [660 ქ] 4სბ |
| 14 | თამაზ მჭედლიძე | აჟენ [სფრ დ2] | 1993 | 34 | 4ლ |
| 13 | დავით კაჭარავა | ენისეი [რუს] | 1985 | 86 | 17ლ [4 კაპ] სბ |
| 12 | მერაბ შარიქაძე | ორიაკ [სფრ დ2] | 1993 | 39 | 7ლ [1 კაპ] |
| 11 | სანდრო თოდუა | ლელო სარასენს [საქ] | 1987 | 49 | 5ლ 2სბ |
| 10 | ლაშა მალაღურაძე | ბანიერ [სფრ ფ 1] | 1986 | 61 | 3ლ 29გ 25ჯ 3ა [157 ქ] 2სბ |
| 9 | ვასილ ლობჟანიძე | არმაზი [საქ] | 1996 | 9 | : |
| შერკინება [ფორვარდები] | |||||
| 1 | მიხეილ ნარიაშვილი | მონპელიე [სფრ ტ14] | 1990 | 31 | ლ სბ |
| 2 | ჯაბა ბრეგვაძე | ბოლნისის ყოჩები [საქ] | 1987 | 31 | ლ |
| 3 | დავით ზირაქაშვილი | კლერმონ [სფრ ტ14] | 1983 | 52 | 9ლ [1 კაპ] 3სბ |
| 4 | გიორგი ნემსაძე | ტარბ [სფრ დ2] | 1984 | 53 | 9ლ 3სბ |
| 5 | კოტე მიქაუტაძე | ტულონ [სფრ ტ14] | 1991 | 39 | 2ლ 2სბ |
| 6 | გიორგი თხილაიშვილი | ბათუმი [საქ] | 1991 | 23 | 3ლ სბ |
| 7 | ვიტო კოლელიშვილი | კლერმონ [სფრ ტ14] | 1989 | 35 | 3ლ [1 კაპ] 2წბ 5სბ |
| 8 | მამუკა გორგოძე^კაპ | ტულონ [სფრ ტ14] | 1984 | 64 | 25ლ [7 კაპ] 5სბ |
| მარქაფა [სათადარიგოები] | |||||
| 23 | ბექა წიკლაური | ლოკომოტივი [საქ] | 1989 | 22 | 4ლ 11გ 15ჯ 2ა [93 ქ] |
| 22 | გიორგი აფციაური | ქუთაისის აია [საქ] | 1994 | 13 | : |
| 21 | გიორგი ბეგაძე | ბოლნისის ყოჩები [საქ] | 1986 | 39 | 2სბ |
| 16 | შალვა მამუკაშვილი | სეილ შარქს [ინგ პრემ] | 1990 | 34 | 3ლ |
| 17 | კახა ასიეშვილი | ბრივ [სფრ ტ14] | 1987 | 15 | ლ |
| 18 | ანტონ ფეიქრიშვილი | ბრივ [სფრ ტოპ 14] | 1987 | 16 | ლ სბ |
| 19 | ლევან დათუნაშვილი | ორიაკ [სფრ დ2] | 1983 | 74 | 3ლ [3 კაპ] 6სბ |
| 20 | ლაშა ლომიძე | ბეზიე [სფრ დ2] | 1992 | 14 | 2ლ სბ |
| უფროსობა | |||||
| მილთონ ჰეიგ | მთავარი მწვრთნელი | [ზელ] | |||
| ილია მაისურაძე | მწვრთნელი | ||||
| ილია ზედგინიძე | მწვრთნელი | ||||
| ირაკლი მაჩხანელი | მწვრთნელი | ||||
| მაიქლ ბრედლი | მწვრთნელი | [ირლ] | |||
| დიდიე ბეს | მწვრთნელი | [სფრ] | |||
| ვასილ აბაშიძე | მენეჯერი | ||||
www.rugby.ge
