O JOGO-ს ინფორმაციით, ლონდონის “ჩელსი” მზადაა ბრაზილიის ეროვნული ნაკრების ნახევარმცველ რამირესს ახალი კონტრაქტი გაუფორმოს, რომლის მიხედვითაც ფეხბურთელის ანაზღაურება წლიურად 3.8 მილიონი გირვანქა სტერლინგი იქნება.

სამხრეთამერიკელი ფეხბურთელი ინგლისური გრანდის ღირსებას 2010 წლიდან იცავს და 184 მატჩში 30 გოლი გაიტანა. ფეხბურთელის სატრანსფერო ღირებულება 25 მილიონ ევროს შეადგენს.