ინგლისურმა “მანჩესტერ იუნაიტედმა” ჩემპიონთა ლიგის პირველ ტურში პსვ-სთან 1:2 წააგო და ახლა გერმანულ “ვოლფსბურგთან” სამი ქულის მოპოვება მართებს. თამაშამდე მანკუნიანელთა თავკაცმა ლუის ვან გაალმა ისაუბრა.
“ჩემპიონთა ლიგაზე ჩვენი პრინციპული მიზანია სახლში ყველა თამაში მოვიგოთ. გასულ სეზონთან შედარებით “მანჩესტერის” თამაშში პროგრესია, მაგრამ ჩემპიონთა ლიგის მოსაგებად კიდევ უფრო მომატება გვმართებს.
ამ ტურნირზე ყველაზე ძნელი ფინალში თამაშია, სადაც მხოლოდ კარგად თამაში არ კმარა. თუ ფინალში გავალთ ეს დიდებული შედეგი იქნება, მაგრმ გაცილებით საინტერესო ამ ტურნირის მოგებაა”, - თქვა ვან გაალმა.
