იტალიური “ემპოლისა” და საქართველოს ნაკრების თავდამსხმელი ლევან მჭედლიძე გუნდთან ერთად სრული დატვირთვით ვარჯიშს მომავალი კვირიდან შეძლებს. ამის შესახებ ინტერნეტპორტალი www.iltirreno.gelocal.it-ი წერს. ამავე წყაროს ცნობით, 26 წლის ქართველი ფორვარდი ამჟამად ინდივიდუალურად ვარჯიშობს, ხოლო მის მწვანე მინდორზე საბოლოო დაბრუნებას კი 4 ოქტომბერს, “სასუოლოსთან” საშინაო მატჩში ვარაუდობენ.

შეგახსენებთ, მჭედლიძემ ტრავმა 7 სექტემბერს, ირლანდიასთან შეხვედრის ბოლო წუთებში მიიღო და მას შემდეგ არ უთამაშია.