“მანჩესტერ იუნაიტედის” 19 წლის ფორვარდმა ჯეიმს უილსონმა, რომელსაც ზამთარში მანჩესტერელთა მთავარი მწვრთნელი იჯარით გაშვებას უპირებს, “წითელ ეშმაკებთან” 4-წლიანი კონტრაქტი გააფორმა.

მიუხედავად იმისა, რომ ახალგაზრდა თავდამსხმელს მიმდინარე სეზონში არცერთი მატჩი ჩაუტარებია, ჰოლანდიელი სპეციალისტი უილსონის სხვა გუნდში გაშვებას მერყეობს.

“ვფიქრობ, დეკემბრამდე უნდა მოვიცადოთ. თუ გუნდი ჩემპიონთა ლიგაშია და ინგლისის ლიგის თასზე წარმატებით ითამაშებს, იძულებული ვიქნები როტაციას მივმართო და ჯეიმსს სათამაშო დრო მივცე.

თქვენ ნახეთ “იფსვიჩთან” მატჩში როგორი შემადგენლობა დავაყენე. ეს შესაძლოა სხვა შეხვედრებშიც განმეორდეს. ამიტომ, უილსონს ვესაუბრე და შევთანხმდით, რომ დეკემბრამდე მოცდა სჯობს” – განაცხადა ვან გაალმა პრესკონფერენციაზე.

უილსონი “მანჩესტერ იუნაიტედის” აკადემიის აღზრდილია და პირველ გუნდში ჩატარებულ 18 თამაშში მეტოქეთა კარი 4-ჯერ აიღო.