გასული ზაფხულის ყველაზე ძვირადღირებული ტრანფერი “მანჩესტერ სიტიმ” განახორციელა, როცა “ვოლფსბურგიდან” ბელგიელი შემტევი კევინ დე ბრუინი გადაიბირა 74 მილიონი ევროს სანაცვლოდ. ნიჭიერი ფეხბურთელისთვის ინგლისი უცხო ადგილი არაა. იგი 2012 წელს, “ჩელსიმ” შეიძინა, თუმცა ფეხბურთელმა “სტემფორდ ბრიჯზე” ათამაშება ვერაფრით შეძლო.

სწორედ ამის მიზეზებზე ისაუბრა დე ბრუინმა ინგლისურ მედიასთან:

“პარალელის გავლება მართებული არმგონია, რადგან ახლა სხვა მდგომარეობაა. მაშინ უფრო ახალგაზრდა ვიყავი, თამაში მინდოდა, ამ დროს კი სათადარიგო სკამზეც ვერ ვხვდებოდი.

ჟოზე მოურინიო ლონდონში ყოფნისას მხოლოდ 2-ჯერ მელაპარაკა – პირველად ჩემპიონთა ლიგაზე, “ბაზელთან” მატჩამდე და მეორედ იანვრის თვემდე, როცა ჩემი გუნდიდან გაშვება უკვე გადაწყვეტილი იყო. მას არასდროს აუხსნია თუ რატომ არ მათამაშებდა”, - თქვა დე ბრუინმა.

კევინ დე ბრუინმა “ჩელსი” 2014 წლის ზამთარში დატოვა და ჯერ ბრემენის “ვერდერში” ითამაშა, შემდეგ კი “ვოლფსბურგში. “ჩელსიში” გატარებულ პერიოდში მან პრემიერლიგაში მხოლოდ 3 შეხვედრა ჩაატარა.