ტოკიოს “რიოგოკუ კოკუგიკანში” მიმდინარე აკი ბაშოზე მოასპარეზე ქართველ სუმოისტებს – ლევან გორგაძეს იგივე ტოჩინოშინს და გაგამარუს შიკონათი ცნობილ თეიმურაზ ჯუღელს ერთნაირი ბალანსი (2 მოგება, 2 მარცხი) გააჩნიათ.

ტოჩინოშინმა სექტემბრის სუპერტურნირის სტარტზე განცდილი 2 მარცხის შემდეგ, ზედიზედ მე-2 გამარჯვება იზეიმა. აღმოსავლეთის კომუსუბის ტიტულის მქონე ქართველმა გოლიათმა დასავლეთის სეკივაკე მიოგირიუს იორიკირით სძლია.

ტოჩინოშინის შემდეგი მოწინააღმდეგე აღმოსავლეთის მე-2 მაეგაშირა ოსუანარაასი იქნება, რომელსაც 4-ვე გასული ორთაბრძოლა წაგებული აქვს. ქართველი და ეგვიპტელი სუმოისტები ერთმანეთის პირისპირ პირველად დადგებიან.

აკი ბაშოზე მე-2 მარცხი დასავლეთის მე-8 მაეგაშირა ტოიონოშიმასთან განიცადა თეიმურაზ ჯუღელმა. აღმოსავლეთის მე-9 მაეგაშირას წოდების მქონე ქართველმა სეკიტორმა კატასუკაშით წააგო. გაგამარუს შემდეგი მეტოქე რუსი ამურია, რომელთანაც ერთხელ უკვე დამარცხებულა.

4-4 მოგებით სექტემბრის სუპერტურნირს ოძეკები კისენოსატო და ტერუნოფუჯი და სეკივაკე ტოჩიოძანი ლიდერობენ.

სექტემბრის ბაშოს მე-4 დღის მიმოხილვა

გაგამარუს ორთაბრძოლა 4:27-დან, ტოჩინოშინის – 7:24-დან