იტალიის ჩემპიონ ტურინის “იუვენტუსის” მთავარ მწვრთნელ მასიმილიანო ალეგრის თქმით, ინგლისურ “სიტისთან” გამარჯვება ახალი ეტაპის დასაწყისი იქნება.
“ჩვენ დავბრუნდით. ამ გუნდს შორს წასვლა ნამდვილდ შეუძლია. დღეს პირველ ტაიმში დაცვაში კარგად ვთამაშობდით, მეორე ნახევარში კი შეტევაშიც უკეთ გავისარჯეთ. ჯანლუიჯი ბუფონი უბრალოდ ფანტასტიური იყო. აქამდე ცუდად არც ჩემპიონატში ვთამაშობდით, უბრალოდ იქ მომენტების რეალიზება გვიჭირს. ეს გამარჯვება ფსიქოლოგიურად გუნდს ძალიან წაადგება”, - განაცხადა მაქს ალეგრიმ თამაშის შემდეგ.
“იუვენტუსმა” ჩემპიონთა ლიგის პირველ ტურში “სიტის” მისსავე მოედანზე 2:1 მოუგო.
