ლონდონის “არსენალის” ნახევარმცველი ჯეკ უილშირი მარცხენა ფეხის წვივის ძვალზე ოპერაციას გაიკეთებს. ლონდონელთა პრესსამსახურის ინფორმაციით, ქირურგიული ჩარევა მას მერე გადაწყდა, რაც სკანირებამ აჩვენა, რომ აგვისტოში მოტეხილი ფეხი ნელი ტემპით ხორცდება.
უილშირს ოპერაციას უახლოეს დღეებში ლონდონში ჩაუტარებენ. მას წვივის ძვალში მეტალის მცირე ფირფიტას ჩაუსვამენ. ფეხბურთელი სავარაუდოდ სამ თვეს გამოტოვებს.
ტრავმების გამო, გასულ სეზონში უილშირმა ინგლისის პრემიერლიგაში მხოლოდ 14 მატჩი ჩაატარა, რომლებშიც 2 გოლი გაიტანა და ერთი შედეგიანი გადაცემა გააკეთა.
