საქართველოს ფეხბურთელთა ეროვნული ნაკრების თავდამსხმელმა ლევან მჭედლიძემ იტალიურ “ემპოლისთან” კონტრაქტი 2018 წლამდე გაახანგრძლივა. ამის შესახებ ინტერნეტპორტალი stopandgoal.net-ი იუწყება.

“ერთწლიანი კონტრაქტის გაფორმება მსურდა, მაგრამ კლუბმა 2-წლიანი შემომთავაზა და ეს ჩემთვის არავითარი პრობლემა არაა. აქ თავს კარგად ვგრძნობ და მსურს, რომ ჩემი შესაძლებლობები ბოლოს და ბოლოს საქართველოს ნაკრებშიც დავამტკიცო” – თქვა მჭედლიძემ, რომელმაც მიმდინარე სეზონში იტალიის სერია A-ში 2 მატჩი ჩაატარა.

ამჟამად, 25 წლის ქართველი ფორვარდი ტრავმას იშუშებს და მოედანს დაახლოებით სამ კვირაში დაუბრუნდება.