ფიფას პრეზიდენტი იოზეფ ბლატერი კიდევ ერთხელ მოექცა კორუფციული სკანდალის ცენტრში.

შვეიცარიული ტელეარხის, SRF-ის ცნობით, 79 წლის ფუნქციონერმა 2010 და 2014 წლების მსოფლიოს ჩემპიონატების ტელეტრანსლირების უფლება ფიფას ყოფილ ვიცე-პრეზიდენტ, კონკაკაფის ექს-თავკაც ჯეკ უორნერს 600 ათას დოლარად მიყიდა.

წყაროს ცნობით, აღნიშნული თანხა რეალური საბაზრო ღირებულების დაახლოებით 5 პროცენტია და არის ეჭვი, რომ ამ შემთხვევაში ადგილი კორუფციულ გარიგებას ჰქონდა. მანამდე ცნობილი გახდა, რომ უორნერმა პირადი მოხმარებისთვის გამოიყენა 1,6 მილიონი დოლარი იმ 10 მილიონიდან, რომელიც 2010 წლის მსოფლიოს ჩემპიონატის მასპინძლად არჩევის შემდეგ სამხრეთ აფრიკისგან მიიღო.