მოსკოვის ცსკა-ს ფეხბურთელმა სეიდუ დუმბიამ Africa Top Sports-ისთვის მიცემულ ინტერვიუში სერია ა-ში გატარებულ პერიოდზე ისაუბრა.
“რომში ჩასვლის პირველივე დღეებიდან თავს კომფორტულად ვერ ვგრძნობდი. იქ ყოფნით არ ვიყავი ბედნიერი და მსურდა მოსკოვში დაბრუნება. იმის მიუხედავად, რომ ცსკა-ში განათხოვრების წესით ვითამაშებ, რომში დაბრუნების სურვილი არ მაქვს.
მქონდა კონტაქტი რამდენიმე ინგლისურ კლუბთან, თუმცა საუკეთესო ვარიანტად ცსკა მივიჩნიე” – განაცხადა აფრიკელმა.
კოტ დივუარის ეროვნული ნაკრების ფორვარდმა პროფესიონალური კარიერა იაპონიის ჩემპიონატში დაიწყო, შემდეგ შვეიცარიულ “იანგ ბოიზში” თამაშობდა, 2010 წლიდან კი ცსკა-ს შემადგენლობაში რამდენიმე წარმატებული სეზონი გაატარა. გასული ზამთრის სატრანსფერო ფანჯრის დროს “რომამ” შეიძინა, თუმცა იტალიურ კლუბში ვერ დამკვიდრდა და იჯარის წესით რუსულ კლუბში დაბრუნდა.
