ცნობილი გერმანელი მწვრთნელი იურგენ კლოპი, რომელიც ამჟამად უმუშევარია უახლოეს პერიოდში დიდი გუნდის ჩაბარებას გამორიცხავს. კლოპმა გერმანულ გამოცემა “ბილდს” განუცხადა, რომ მისი მომავალი სამუშაო ისეთ გუნდში იქნება, რომელსაც დახმარება სჭირდება.
“ჩემი მომავალი გუნდი არ იქნება ტოპკლუბი. ისეთ ადგილზე წავალ, რომლის პროექტი საინტერესო იქნება და ჩემი დახმარება დასჭირდება. ხვალ რა იქნება არ ვიცი და სად გავაგრძელებ მუშაობას. ამ ეტაპზე კი მწვრთნელობის ნოსტალგია არ მაქვს”, - უთხრა “ბილდს” კლოპმა.
შეგახსენებთ, კლოპი გასული სეზონის დასრულების შემდეგ “დორტმუნდიდან” თავისავე სურვილით წამოვიდა. ბოლო დროს კი მას სანქტ-პეტერბურგის “ზენიტთან” აკავშირებდნენ.
