საქართველოს ნაკრების ფეხბურთელი გურამ კაშია შოტლანდიასთან მოგებული მატჩის (1:0) შემდეგ ჟურნალისტებს შეხვდა და აღნიშნულ შეხვედრაზე ისაუბრა.

“თამაშის ხარისხით ალბათ კმაყოფილები უნდა ვიყოთ. პირველ ტაიმში უპირატესობა მოვიპოვეთ და შემდეგ შევინარჩუნეთ.

სისტემა, გეგმა გვქონდა თამაშის წინ, რაც მშვენივრად შევასრულეთ. მივაღწიეთ წარმატებას, რომელიც გვაძლევს იმედსა და თავდაჯერებას მომავალი მატჩისა და შესარჩევი ციკლისთვის”, - განაცხადა 28 წლის მცველმა.

- რას იტყვით “ვიტესის” საამსეზონო მიზნებზე?

- “ვიტესის” მიზანი მიმდინარე სეზონში ტოპ ხუთეულში მოხვედრაა.