ლონდონის “არსენალს” თავდამსხმელი დანი უელბეკი ხანგრძლივი ვადით გამოაკლდა.
ლონდონელთა ოფიციალური ვებგვერდის ინფორმაციით, ამის მიზეზი ფეხბურთელის მიერ მუხლზე გაკეთებული ოპერაციაა.
24 წლის უელბეკს მუხლი მიმდინარე წლის გაზაფხულიდან აწუხებს. ექიმებს ქირურგიული ჩარევის თავიდან არიდება სურდათ, მაგრამ ვარჯიშის დროს ფორვარდი მუხლში დისკომფორტს გრძნობდა. ამიტომ, საბოლოოდ გადაწყდა, რომ ოპერაცია გაეკეთებინა.
წინასწარი ვარაუდით მას რამდენიმე თვე გაუცდება.
