სფფ-ს პრესსამსახური საქართველო – შოტლანდიის მატჩის ბილეთების ონლაინ გაყიდვის შესახებ ავრცელებს ინფორმაციას. ბილეთების გაყიდვა მიმდინარეობს შემდეგ ბმულზე: http://gff.ge/tickets

რეგისტრაციისა და ბილეთის შეძენის შემდეგ მიიღებთ შეტყობინებას მითითებულ მეილზე. მიღებულ შეტყობინებას ამობეჭდავთ, ამობეჭდილი ცნობა კი იქნება მატჩზე დასწრების გარანტი.

ტექნიკური ხარვეზის შემთხვევაში უნდა მიჰყვეთ შემდეგ ინსტრუქციას:

თუ ყიდვისას წარმატებით განხორციელდა საბარათე ოპერაცია და ბარათიდან ჩამოგეჭრათ თანხა და შეტყობინება არ მოგივიდათ მითითებულ მეილზე, ნიშნავს რომ თქვენ უკვე შეიძინეთ ბილეთი. ამ შემთხვევაში უნდა მობრძანდეთ “დინამო არენაზე” და სპეციალურად ონლაინ-ბილეთებისთვის გამოყოფილ მე-11 სალაროში აიღოთ კუთვნილი ბილეთი. ამისათვის მოლარე-ოპერატორს უნდა უთხრათ ის ელექტრონული ფოსტა, რომლითაც დარეგისტრირდით და შეიძინეთ ბილეთი.

შეგახსენებთ ევრო 2016-ის შესარჩევი მატჩი საქართველოსა და შოტლანდიის ეროვნულ ნაკრებებს შორის 4 სექტემბერს “დინამო არენაზე” გაიმართება. მატჩი თბილისის დროით 20:00 საათზე დაიწყება.