სუპერლიგის მონაწილე "სოხუმის" აწ უკვე ყოფილი უკანახაზელი ირაკლი ჩლაიძე კარიერას ვთბ ლიგაში მოასპარეზე "ვითაში" გააგრძელებს.
ამის შესახებ "მსოფლიო სპორტს" თავად ჩლაიძემ აცნობა.
შეგახსენებთ, რომ ჩლაიძემ ზედიზედ 5 სეზონი "სოხუმში" გაატარა, სადაც პროფესიონალ სპორტსმენად ჩამოყალიბდა. არის ბრძოლისუნარიანი და გამოირჩევა 3-ქულიანების სროლიდან დაგროვილი ქულების კარგი პროცენტული მაჩვენებლით.
ნოდარ (ლევან) შენგელიას, ბექა წივწივაძის, მერაბ ბოქოლიშვილისა და ამერიკელი ლეგიონერის რალსტონ ტერნერის შემდეგ, ჩლაიძე მეხუთე კალათბურთელია, რომელიც კარიერას "ვითაში" გააგრძელებს.
