“პორტუს” გოლკიპერი იკერ კასილასი “ფურია როხას” სხვა წევრებთან ერთად ევროპის ჩემპიონატის საკვალიფიკაციო მატჩებისთვის ემზადება. მის საამსეზონო საკლუბო კარიერას რაც შეეხება, კასილასმა პორტუგალიის ჩემპიონატში 3 შეხვედრა ჩაატარა და ერთადერთი გოლი გაუშვა.

- როგორ შეეგუეთ სიტუაციის შეცვლას, მადრიდში გატარებული ხანგრძლივი პერიოდის შემდეგ ახალ კლუბთან ადაპტაცია არ გაგიჭირდათ?

- ცხადია, ცხოვრების ერთ-ერთი ურთულესი ნაბიჯი გადავდგი, მაგრამ მიღებული გადაწყვეტილებით კმაყოფილი ვარ. ახალი გამოცდილება შევიძინე და მოტივაციაც მომემატა. ბოლო პერიოდში “რეალში” რთულ სიტიაციაში აღმოვჩნდი – ბევრს მაკრიტიკებდნენ და თავისუფლად ამოსუნთქვის საშუალება არ მეძლეოდა. ამჟამად ფსიქოლოგიური დატვირთვა მომეხსნა და პორტოში თავს ლაღად ვგრძნობ.

- “რეალის” ამჟამინდელ მდგომარეობას თუ ადევნებთ თვალს?

- ჩემი მშობლიური გუნდი საინტერესო მოთამაშეებით გაძლიერდა და მიუხედავად პრიმერას სასტარტო მატჩში “ხიხონთან” დაკარგული 2 ქულისა, “ბლანკოსის” ქომაგებს იმედიანად ყოფნის საბაბი აქვთ. ეს “ბეტისთან” შეხვედამაც დაადასტურა. ისე კი, 2 ტურის შემდეგ შორსმიმავალი დასკვნის გაკეთება ნაადრევია.

- “პორტუზე” რას იტყვით?

- ცუდი სტარტი ნამდვილად არ გვაქვს. 3 მატჩიდან 2 მოვიგეთ, ერთიც ფრედ დავასრულეთ. ამასთან საკუთარ მინდორზე ზედიზედ მოგებების სერია 12-მდე გავზარდეთ.

- ჩემპიონთა ლიგაზე “პორტუ” რას გეგმავს?

- ვიმედოვნებ, ფინალში გავალთ და მილანის “სან სიროზე” გადამწყვეტ მატჩში “რეალს” შევხვდებით.

- თქვენი სანაკრებო პარტნიორი დავიდ დე ხეა რთულ მდგომარეობაში ჩავარდა...

- დავიდი ბრწყინვალე მეკარე და კარგი ადამიანია. დარწმუნებული ვარ, მას შემდგომშიც წარმატებული კარიერა ელის.