მსოფლიოს ნომერ მესამე ჩოგბურთელი რუსი მარია შარაპოვა “ამერიკის ღია პირველობაზე” ვერ ითამაშებს, მარიას მარჯვენა ფეხის ტრავმა აწუხებს. აღნიშნულ ინფორმაციას WTA-ის ოფიციალური ვებგვერდი ავრცელებს.
“სამწუხაროდ არ შემიძლია US Open-ზე ვითამაშო. ყველაფერი გავაკეთე, რომ ტურნირისთვის მზად ვყოფილიყავი, მაგრამ დრო არ მეყო”- განაცხადა შარაპოვამ.
ტურნირის პირველ ტურში შარაპოვა დარია გავრილოვას უნდა შეხვედროდა. მარიას ნაცვლად გავრილოვას მისივე მოსახელე და თანამემამულე დარია კასატკინა დაუპირისპირდება.
