“ევერტონის” ოფიციალური ვებგვერდის ინფორმაციით, კლუბმა მონტევიდეოს “რივერ პლეიტიდან” თავდამსხმელი ლეანდრო როდრიგესი დაიმატა.

ინგლისელებმა ფეხბურთელის სანაცვლოდ ნახევარი მილიონი გირვანქა სტერლინგი გადაიხადეს და ურუგვაელს 4-წლიანი კონტრაქტი გაუფორმეს.

22 წლის ფეხბურთელი ურუგვაიული გუნდის აკადემიის აღზრდილია. “რივერ პლეიტის” მაისურით თავდამსხმელმა 78 მატჩში 20 გოლი გაიტანა და 6 საგოლე გადაცემა შეასრულა.