ნიკო როსბერგი ორივე თავისუფალ პრაქტიკაზე უსწრაფესი იყო, მაგრამ მეორე სესიის მიწურულს, გვარიანი ხიფათი შეემთხვა - მოსახვევ ბლანშიმონთან მიახლოებისას, დაახლოებით 320 კმ/სთ სიჩქარეზე, მის „მერსედესზე“ მოულოდნელად, უკანა მარჯვენა საბურავი გასკდა. ნიკომ მოახერხა მანქანის დამორჩილება და კედელთან შეჯახებას გადარჩა.
„მინდა ვთქვა, რომ ეს არ იყო სასიამოვნო. 360 გრადუსით დავტრიალდ 320 კმ/სთ სიჩქარეზე. რა თქმა უნდა, ასეთ რამეს არ ველოდი. ბედად, კედელს არ დავეჯახე. ყველაფერი უცბად მოხდა. მანამდე საბურავი კარგად მუშაობდა და დაზიანების ნიშნები არ ჰქონია. მომხდარს ანალიზი სჭირდება“, - ამბობს როსბერგი და დასძენს, რომ შემთხვევამდე მანქანით კმაყოფილი იყო.
ჩანაწერზე გამოჩნდა, რომ საბურავს დაზიანების ნიშნები რამდენიმე მოსახვევით ადრე დაეტყო. როსბერგმა მანქანა იქვე დატოვა და სტიუარდებმა სესია წითელი შუქით გააჩერეს, რადგან ტრასა გასაწმენდ იყო. სხვათა შორის, წითელი შუქი, სესიის განახლებიდან მალე ისევ აინთო. ამჯერად მარკუს ერიქსონს შეემთხვა ინციდნტი და როსბერგისგან განსხვავებით, მან კედელთან შეჯახებას თავი ვერ აარიდა. თუმცა, ბედად ტრავმას გადაურჩა.
ორივე სესიაზე მოწინვე სამეული ერთნაირი იყო - მეორე დრო ლუის ჰამილტონს ჰქონდა, მესამე საფეხური კი დანიელ რიკარდომ დაიკავა. სხვათა შორის, როსბერგს პირველ სესიაზე ძრავი გაუჭირვეულდა, თუმცა მაინც შეძლო თავის გამოჩენა. მისგან განსხვავებით, პრობლემა არ შექმნია ჰამილტონს. ჩემპიონი მანქანითაც კმაყოფილი დარჩა.
მეოთხე და მეხუთე დროები ჰქონდა კიმი რაიკონენს, ვისაც სპაზე ოთხი გამარჯვება აქვს მოპოვებული. ახალმა კონტრაქტმა მას სტიმული გაუძიერა. ჯერჯერობით მაინც. ორივე სესიაზე ის სებასტიან ფეტელზე სწრაფი იყო. კვლავ პელოტონის ბოლოში არიან „მაკლარენის“ პილოტები. არადა, „ჰონდამ“ სპაზე „მაკლარენს“ გაუმჯობესებული აგრეგატები მიაწოდა...
ბელგიის დიდი პრიზი
პირველი თავისუფალი პრაქტიკა
- ნიკო როსბერგი (გერმანია, მერსედესი) 1:51.082
- ლუის ჰამილტონი (ბრიტანეთი, მერსედესი) 1:51.324
- დანიელ რიკარდო (ავსტრალია, რედ ბული) 1:51.373
- კიმი რაიკონენი (ფინეთი, ფერარი) 1:51.478
- სებასტიან ფეტელი (გერმანია, ფერარი) 1:51.866
- დანილ კვიატი (რუსეთი, რედ ბული) 1:51.960
- მაქს ფერსტაპენი (ჰოლანდია, ტორო როსო) 1:52.158
- კარლოს საინს უმცროსი (ესპანეთი, ტორო როსო) 1:52.421
- სერხიო პერესი (მექსიკა, ფორს ინდია) 1:52.423
- ვალტერი ბოტასი (ფინეთი, უილიამსი) 1:52.511
- პასტორ მალდონადო (ვენესუელა, ლოტუსი) 1:52.539
- ნიკო ჰულკენბერგი (გერმანია, ფორს ინდია) 1:52.614
- ფელიპე ნასრი (ბრაზილია, ზაუბერი) 1:52.640
- ფელიპე მასა (ბრაზილია, უილიამსი) 1:52.653
- მარკუს ერიქსონი (შვედეთი, ზაუბერი) 1:53.426
- ფერნანდო ალონსო (ესპანეთი, მაკლარენი) 1:53.502
- ჯოლიონ პალმერი (ბრიტანეთი, ლოტუსი) 1:53.799
- ჯენსონ ბატონი (ბრიტანეთი, მაკლარენი) 1:54.225
- უილ სტივენსი (ბრიტანეთი, მენორი) 1:55.501
- რობერტო მერი (ესპანეთი, მენორი) 1:56.086
მეორე თავისუფალი პრაქტიკა
- ნიკო როსბერგი (გერმანია, მერსედესი) 1:49.385
- ლუის ჰამილტონი (ბრიტანეთი, მერსედესი) 1:49.687
- დანიელ რიკარდო (ავსტრალია, რედ ბული) 1:50.136
- დანილ კვიატი (რუსეთი, რედ ბული) 1:50.399
- კიმი რაიკონენი (ფინეთი, ფერარი) 1:50.461
- ნიკო ჰულკენბერგი (გერმანია, ფორს ინდია) 1:50.461
- რომენ გროჟანი (საფრანგეთი, ლოტუსი) 1:50.489
- მარკუს ერიქსონი (შვედეთი, ზაუბერი) 1:50.709
- ფელიპე ნასრი (ბრაზილია, ზაუბერი) 1:50.928
- სებასტიან ფეტელი (გერმანია, ფერარი) 1:50.940
- სერხიო პერესი (მექსიკა, ფორს ინდია) 1:50.971
- კარლოს საინს უმცროსი (ესპანეთი, ტორო როსო) 1:51.037
- მაქს ფერსტაპენი (ჰოლანდია, ტორო როსო) 1:51.117
- ვალტერი ბოტასი (ფინეთი, უილიამსი) 1:51.250
- პასტორ მალდონადო (ვენესუელა, ლოტუსი) 1:51.317
- ფელიპე მასა (ბრაზილია, უილიამსი) 1:51.588
- ჯენსონ ბატონი (ბრიტანეთი, მაკლარენი) 1:51.854
- ფერნანდო ალონსო (ესპანეთი, მაკლარენი) 1:52.570
- უილ სტივენსი (ბრიტანეთი, მენორი) 1:54.065
- რობერტო მერი (ესპანეთი, მენორი) 1:54.253
