კატალონიური “ბარსელონას” მთავარი მწვრთნელი ლუის ენრიკე, გუნდის თავდამსხმელის, პედრო როდრიგესის სავარაუდო გასხვისების ისტორიამ დაღალა.

ზაფხულის სატრანსფერო პერიოდის დასრულებამდე ორი კვირა რჩება და კატალონიელებს ჯერაც არ გადაუწყვეტიათ გაყიდონ თუ არა პედრო, რომლის შეძენაც “მანჩესტერ იუნაიტედს” და “მანჩესტერ სიტის” სურთ.

“ძალიან რთული სიტუაციაა, რომელიც კონცენტრაციაში ხელს გვიშლის. კარგი იქნება თუ ეს სატრანსფერო ფანჯარა მალე დაიხურება, რადგან მერე ზუსტად მეცოდინება, რომელი ფეხბურთელების იმედი უნდა მქონდეს სეზონის მსვლელობისას” - განუცხადა AS-ს ლუის ენრიკემ.