იტალიის ნაკრების ყოფილი ფეხბურთელი ალესანდრო დიამანტი ახალ სეზონს ინგლისის პრემიერლიგის ბინადარ “უოტფორდში” გააგრძელებს. ამის შესახებ ალბიონური გუნდის ვებგვერდი იტყობინება. დიამანტი, რომელიც ჩინური “გუანჯოუს” საკუთრებაა, ინგლისში იჯარით ითამაშებს.

გასული სეზონის მეორე ნახევარი 31 წლის შემტევმა ფლორენციის “ფიორენტინაში” გაატარა, მაგრამ გუნდში ვერ დამკვიდრდა და ახალი ნავსაყუდელი მოძებნა.