არგენტინის ეროვნული ნაკრებისა და “ვალენსიას” მცველმა ნიკოლას ოტამენდიმ არჩევანი გააკეთა. ფაქტობრივად გადაწყვეტილი იყო, რომ ის ახალ სეზონს მანჩესტერში დაიწყებდა, მაგრამ გასარკვევი რჩებოდა “იუნაიტედის” მაისურს მოირგებდა თუ “სიტისას”.
AS-ის ცნობით, 27 წლის ფეხბურთელმა არჩევანი “ქალაქელებზე” შეაჩერა.
წინასწარი ინფორმაციით, “სიტი” ტრანსფერის საფასურს მხოლოდ ფულით კი არ გადაიხდის, ესპანეთში ფეხბურთელსაც გაუშვებს. 40 მილიონი ევროს პარალელურად, “ვალენსია” კომპენსაციის სახით მცველ მანგალასაც მიიღებს.
